بسم الله الرحمن الرحيم
…….عواصف في ذهني
بسم الله الرحمن الرحيم
و به نستعين
تنبيه:التدوينه هذه قد تحدث لك صداع في راسك من كثر الهرج الي راح يكون فيها
امممم كيف نبداء حتى التدوين نسيتو خخخخخخخخ
يا لطيف 6اشهر عن المدونه و 3سنوات لها مفتوحه لا تفاعل و لا تدوين و لا شي من دا و لا من ديك و لا دجاجه و بطيخ
و كل يوم اقول راح اشد حيلي و ابداء تدوين لكن كانك يا ابو زيد ما غزيت و وجود المدونه زي عدمها
اصبحت مسكونه بالاشباح .
تويتر من اهم الاسباب الي خلتني اوقف عن التدوين كل افكاري احطها هناك فاصبحت ضايعه
الاحداث تبع2011 ما تسر الواحد و لا تديه نفس انو يكتب اساسا كل حدث ابشع من الثاني
و لو جلست اكتب عشرين و طرطعشر الف شخص كاتب نفس اموضوع طيب ليش انا اكتب كمان
انا شخص يكره الشيء الروتيني و احب التميز و الجبنه <شطحه جدا 
عموما اكون كدا جالسه و شويه تخرج عشرين الف فكره في راسي و وقت التدوين >>
ما ادري هوه السبب مني او ايش بالزبط . تابع القراءة »
تصميم:هل الوداع هو حقاً وداع ؟
بسم الله الرحمن الرحيم
السلام عليكم و رحمة الله و بركاته
كيفكم يا شعب و كيف رمضان معاكم ان شاءالله تمام يا رب يتقبل صيامنا و قيامنا و يدخلنا جنات النعيم و يبعدنا عن النار و نشهد ليله القدر يا رب
اليوم ما في شغل كثير كالعاده و هدوء مو طبيعي في البيت و منها نزل عليا وحي سمائي خلاني اصمم بقدرة قادر و لله الحمد هوه عباره عن تصميم بسيط يتحدث عن فراق الاحبه و الاصحاب <<الله لا يفرقنا عن احبتنا يا رب , اتركم مع كلمات التصميم اخدتها من دا الموقع هنا و من ثم تشوفوا الكواليس و التصميم
مِنْ أصعب اللحظات
التي تمُرُبنا
لحظات الوِداع فهي قذيفة تُسدد لِصدورِنا
منْ دون أي اِنذار فتمر كما البرق
حتى تستقِر في أفئِدتنا
تبكي العيون .. وتغرق المقل .. حين يفترق القلب عن القلب بعد عناق
وتبكي القلوب .. وتجرح الأرواح .. حين ترتفع الأيادي سلاماً .. تلوح للأحبة
الوداع ولكن ماتقولون فيمن تبكي عيونه .. وتغرق مقلته .. ويبكي قلبه .. وتجرح روحه
بلا عناق أو وداع ؟
هل الوداع هو حقاً وداع ؟
كواليس التصميم
التصميم : ملاحظه لرؤيه التصميم بشكل اوضح اضغط هنا
و بس و لا تنسون ادا عجبكم سوو لايك او سبسكرايب و شير و ارحب بنقدكم و اهتمامك و شكرا جزيلا
مكرونه بالدجاج على الطريقه الصينيه+سلطة تونه
بسم الله الرحمن الرحيم
السلام عليكم و رحمة الله و بركاته
اليوم اول تدوينه ليا اكتبها في عالم حواء خخ اقصد عالم الطبخ طبعا هوه من مخططي في الصيف احط طبخي في المدونه قلت ممكن يجي عريس شي خخخخ امزح امزح بس نقضي وقت الفراغ في شي طيب و و و انا اعشق الطبخ الصراحه احب اجرب كل شي جديد و اتمنى يعجبكم ما اقدمه اوكي…………..
طبق اليوم هوه مكرونه بالدجاج على الطريقه الصينيه و سلطة تونه تابع القراءة »
What t!me is it? it’s summer t!me
السلام عليكم و رحمة الله
دقت ساعة الفله
دقت ساعة السعاده
دقت ساعة السهره
قت ساعة الشوبينج خخخخخخخخخخخخخخ
مبروووووك للحلوين الي عطلوا و عقبال الجميع
لالالالالالالالا مش مصدقه ابدا ابدا ابدا تابع القراءة »
مخطط الصيف لي2011
بسم الله الرحمن الرحيم
السلام عليكم و رحمة الله و بركاته
و اخيرا خلصت ترتيبات لي مخططي في الصيف باذن الله تعالى اذا ربي احيانا 
عارفه انو مرره مستعجله بس ما بدي شي يشغل بالي و يقعد يفرر و انا عليا امتحانات طبعا في اشياء او بي الاحرى راح اكتب التفصيل الممل لي الهرجه الي في الصوره اولا خلوني اشرح لكم الصوره
:
1- كتبت مخططاتي كلها بدون ترتيب بعد كدا صنفتها من الاهم فالمهم و بعدين حطيتها في الوان
زي ما انتم تشوفوا 4 اول مربعات الي بي الاحمر دا اهم الاشياء الي راح اسويها
و ثاني مربعين بي البرتقالي تعتبر مهمه و اخر شي اشياء عاديه 
طيب دحين راح افسر كل شي بي التفصيل : تابع القراءة »
ياااااه قفلت ال20 happy birthday to me
بسم الله الرحمن الرحيم
افتتح تدوينتي اليوم بهديتي من اخويا و المصمم المبدع عادل و دي صفحتوا في التويتر<<
و اقولوا شكرا مررره كتيييير يا اخويا الصوغنن الله يوفقك و تسلم لي على الهديه:)
اليووووم و مو اي يوم زي دا اليوم بس يتكرر كل سنه اتولدت لولو الصغيره
المشكاسه الخطيره 
<< جينا لي المدح ال…….
صحيح اني في السكن ما خرجت لكن بجد من الساعه 12 صباحا من 18 شهر 6
اتصالاات و البيبي اتكسر من البرودكاستات و المسنجر لدرجه ما قدرت انام الا الساعه 3 صباحا
و صحيت مكسره و داومت في الجامعه و ما الاقي غير كل وحده اعرفها يحضن و يسلم و يهني
عنجد حسيت بي الفرحه جدا جدا جدا الصراحه شعور لا يوصف
احووبكم يا اهلي و احوووبكم يا اصحابي و اصدقائي و احووب كل من مر على صفحتي و قراء كلامي حتى لو ما عمل اي كومنتات اهم شي تنوروا مدونتي بزياراتكم
يلا نتختم الهرجه بي اغنيه جستن و اشر و نرقص عليها برضوا اخويا الصغير اهداها لياا
خخخخخ
ظروف قاسيه و اخر الاخبار
بسم الله الرحمن الرحيم
السلام عليكم و رحمة الله و بركاته
يااااااااااه زماان و الله عن التدوين والمدونه و دلك بسبب الظروف القاسيه الي مريت فيها
و اولها وفاتة جدتي الحبيبه الله بعد معانة من امراض متعدده و لي فتره طويله
اسئل الله ان يثبتها عند السوال و يجعل مثواها في جنة الرحمن (اللهم امين)
طبعا ما زلت في حرب و معركه مستمره مع جامعتي الي مطلعه لي عيوني
كل اسبوع امتحان امتحان و الله الواحد ما يصدق يجي اسبوع ما فيه شي الا قالوا امتحان
مدري ايش يحسون بس تعبوا راسي الصراحه
الا صح في معلومه سمعتها يقولون انو قبل لا يتولد الطفل يشوف لحظت حياته من الولاده الا اخر شي زي الصور كدا
بالله ما شفت الاسئله و انا في بطني امي احيانا اقول يووه مر عليا دا الموقف طيب ليش ما اقول كدا عند ورقة الامتحان
الا في حاله وحده اولها لا اتسربت الاسئله خخخخخخخخخخ عنجد حاله تلاقي الكل متجمهر عندك كانك اينشتاين و انت تشرح لهم و
الناس تحسبوا شرح و ما دروا انو مصيبه الاسئله عندنا هاهااااااااي تابع القراءة »
الى متى ظلم الجامعات؟!
بسم الله الرحمن الرحيم
السلام عليكم و رحمة الله و بركاته
طبعا الموضوع باين من عنوانه و لا شيء جديد سوف اضيفه على هذه المشكله التي هيا ليست محليه
بل عالميه ظلم الجامعات موجود في على جميع مستويات الدراسه و خصوصا في الجامعات لكن
في جامعاتنا العربيه و للاسف و بالأخص جامعات المملكه يكثر بها هذا الاجرام الغير دموي لكنه اجرام لمشاعر و كرامة و حلم كل طالب او طالبه
في هذه الحياة.
الكل يقول دحين ايش القصه ؟ و ايش جاب الهرجه في بالك
و انا دحين و قيد اني اتكلمت في موضوع رسوبي للسنه الي فاتت و برضوا راح اعيدها لتوضيح الامور
انا طالبه في جامعه ام القرى (اكثر من ربع قرن من العطاء)كافتريا حالتها حاله و قاعات مزبله و بحيرات في كل مدخل تتصبح فيها على الصباح حتى مع تصليحاتهم
الي يقولوا عليها تصليحات برضوا نفس المشكله و اتمنى انها تزول
تابع القراءة »
10مقولات في النجاح اعجبتني^_^
بسم الله الرحمن الرحيم
السلام عليكم و رحمة الله و بركاته
ازيكم يا حلوين شو عاملين في الحياة يا رب تكونوا بخير
طبعا اليوم كدا جلست اتصفح و انا لابسة النظاره كاني شخص مثقف قلت اكتب لكم كم مقوله عجبتني جدا اتمنى ان تنال اعجابكم طبعا
تابع القراءة »
