مكرونه بالدجاج على الطريقه الصينيه+سلطة تونه

بسم الله الرحمن الرحيم
السلام عليكم و رحمة الله و بركاته

 

اليوم اول تدوينه ليا اكتبها في عالم حواء خخ اقصد عالم الطبخ طبعا هوه من مخططي في الصيف احط طبخي في المدونه قلت ممكن يجي عريس شي خخخخ امزح امزح بس نقضي وقت الفراغ في شي طيب و و و انا اعشق الطبخ الصراحه احب اجرب كل شي جديد و اتمنى يعجبكم ما اقدمه اوكي…………..

طبق اليوم هوه مكرونه بالدجاج على الطريقه الصينيه و سلطة تونه

المقادير:

-مكرونه مسلوقه

-دجاج صدور

-فلفل رومي مقطع شرائح

-جزر مبشور

-بصل مقطع بشكل طولي

-ثوم مقطع مربعات صغيره

-فنجان كاتشب

-فنجان صويا معتدله

طريقة العمل:

اولا- نضع الدجاج في قدر و نقلب الين ما يسير لونه ابيض و مويته تروح و لو ما راحت و اتغير لونه اتخلصوا من باقي المويه

ثانيا: نضع البصل و الثوم و الزيت و نقوم بتقليبه حتى يذبل البصل

ثالثا:نضع البهارات و مكعب ماجي و نستمر في التقليب الى ان هذا الدجاج يسير كدا

رابع شي نحط الفلفل الرومي و نستمر في التقليب الين ما يذبل

و بعدين نحط الجزر و نقلب لا ننسى عشان ما تلصق الدونيا

بعدين نحط الصويا و الكاتشب و نقلب و نقلب و نقلب الين ما يسير كدا و لا ننسى نخلي الدمعه في لانو لابد من وجوده

و اخر شي بعد ما تنسلق المكرونه و هذا نصفيها من مويتها نضيف الدجاج الصيني هههه على المكرونه و نقلبه و كدا خلااص

 

طيب نجي للطبق الثاني سهل و خفيف سلطة التونه

المقادير:

جزر و فلفل رومي و طماطم و خيار و ماشروم(فطر او عيش الغراب)و فاصوليا حمراء

صوص ثاوزند ايسلاند و ليمون و تونه

طريقة العمل:

نقطع كل الخضروات زي ما تحبوا بعدين نضيف التونه و نقلبها و بعدين نحط الصوص و الليمون و خلااص كدا يكون

و بكدا خلااص خلصنا الطبقين السهلين الخفيفين و بالهناء و العافيه

و لا تعلقون على اللهجه من فصحى الى عربي خخخخ اوكي و هدا لو عجبكم

سوو لايك او تويت او تعليق لا هنتم و شكرا اوي اوي اوي

اشوفكم في طبق ثاني